الجمعة، 2 مايو 2008

سامــى طليقا

كالعاده الرخمه بتعاتى لما بتغدى او اتعشى تروح ايدى الله يسامحها رايحه على الريموت واشغل التلفزيون ودائما وابدا الاقى ايدى برضو ربنا يسامحها برضو تفتح الجزيرة اقولها يا بنتى بناكل .. يا ستى ده الوقت الوحيد الى بشوف التلفزيون فيه ابدا مصرة الجزيرة يعنى الجزيرة كأن الريموت مفهوش غير رقم الجزيرة ... امرنا لله
وكالعاده برضو اتغم وانا باكل ونفسى تسد بس برضو اصمم اخلص الاكل للاخر :))
وكل مرة الاقى اخبار عن فلسطين عن العراق ومؤخرا عن مصر :(
المهم امبارح وزى العاده بفتح التليفزيون وطبعا الجزيرة وطبعا بتعشى ولاول مرة وسجل يا تاريخ ابتسمت والابتسامه تطورت الى فرحه غامرة وبقيت بضحك وقلبى طاااير من الفرحه (لا مصر لسه متحررتش )
خبر عاجل : اطلاق سراح مصور الجزيرة المعتقل فى غوانتانمو ســامى الحاج ..
هييييييييييييييييييييييييييييييييه
فرحت فرحه ... المصور ده بالذات كنت متاثرة بيه جدا اكتر من تيسيرعلونى
قلت فى نفسى بعد 6 سنيييييييين من المطالبه بحقه والثبات والاعتصام والامتناع عن الاكل
خرج براسه مرفوعه لم يتنازل ولا يتهاون!!!
قولت فى عقل بالى الله ده فى امل اهوه هو كان موجود بس بنتاكد انه لسه عايش الامل مش سامى الحاج
يعنى الامل عايش ويتنفس مهواش المجهول المنتظر طيب كويس والله
لهذا ورغم كل الظلام سامى طليقا بعد 6 سنوات :)
*****************************************
سامي الحاج يعود الى الخرطوم على نقالة بعد 6 سنوات من الاعتقال في غوانتانامو الخرطوم (ا ف ب) - عاد مصور قناة الجزيرة الفضائية سامي الحاج محمولا على نقالة الى الخرطوم بعد ست سنوات من الاحتجاز في قاعدة غوانتامامو الاميركية في كوبا وقال شقيقه عصام الحاج انه لم يكد يتعرف عليه من فرط هزاله. واكد عصام ان الحالة الصحية لشقيقه مقلقة وطالب بارسال فريق طبي دولي لمعالجته.

*****************************

هناك 8 تعليقات:

نـارا يقول...

أسعدنا كثيراً هذا الخبر..

فك الله أسر كل المظلومين فى سجون الإحتلال..

راحــله يقول...

نــارا...
اسعدتنى زيارتكم جدا ومدونتكم رااااااائعه بارك الله فيكم :)

moshe يقول...

فى البداية بهنيكى على مواضعيك

وعلى معرفتى بمدونتك فى بداية دخولى عالم المدونات

وثانيا بهنيكى وبهنى كل الناس اللى مبتفقدش الامل واللى عارفه ان عزتنا هتعود هتعود مهما كان الضغوط ومهما كانت المناورات الاعلاميه


مازالنا نحيا وسنحيا كما نريد ان نحيا ,,
المهم ان نختار كيف نريد ان نحيا


تحياتى

غير معرف يقول...

السلام عليكم
نسأل الله الثبات لنا جميعا ولجميع أسرى المسلمين وأن يفك أسرهم ويردهم إلى أهلهم سالمين

راحــله يقول...

moshe ..
جزاك الله خيرا اسعدتنى زيارتك واتمنى تكرارها ..


عمــر المصرى ...
اللهم آآمين ..

Unknown يقول...

الحمد لله ... فرحت جدا

ربنا يثبته

ويثبتنا

وشكرااااا جزيلا على موضوعات الي في الجون دايما

واحشاااااااني

عاشــــــ النقاب ـقــــة"نونو" يقول...

انا كمان فرحت اوي اوي
ربنا يفك اسر كل المسلمين يارب اللي جوا السجن واللي برا السجن يارب
تحياتي

راحــله يقول...

نور..
يا بنتى انتى وحشاانى اكتر تيجى نعمل مسابقه مين واحشه التانيه اكتر :)) احبك فى الله


nonoymm
فعلا كلنا فرحنا جدااااااا
نورتى :)