الاثنين، 19 مايو 2008

حــق يــأبى النسيــان !!!

من فترة كتبت تدوينه بس حفظتها منزلتهاش اسمها حق يابى النسيان
اقتبست الاسم من برنامج على قناه الجزيرة جميل قووى بيتكلم عن فلسطين ....
لكن الحق الى بتكلم عنه حق اخر,,, ساعتها كنت متردده انزل التدوينه ولا لأ؟؟
كنت بتسال يا ترى الناس هتفهم الى عايزة اقوله ولا لا؟؟
طب هو اساسا صح ولا غلط ؟؟
وكانت المفاجاه ان النهارده فى المسجد كان الدرس حول نفس الموضوع ..
الحق الى كنت كتبت عنه من فترة ومش عارفه موجود ولا لا؟؟
الحق ده هو حق الاعتذار ...
فعلا فى حاجه اسمها حق الاعتذار!!!
بدا الكلام بجمله كررتها كتير كانها بتاكد كل الافكار الى كانت بدور فى دماغى
((سهل جدا انى اعتذر لكن صعب جدا انى اقف امام الديان ولفلانه حق عندى))
كانت بتكلم عن سهوله الاعتذار دلوقتى,,,,, لكن قدام ربنا ؟؟
احنا عندنا حسنات قد ايه يعنى :((
والنقطه الى كنت بهتم بيها اكتر هى الايذاء النفسى ياااه ده طلع برضو معمول حسابه
وكانت بتقول الايذاء النفسى اكبر بكتير من الايذاء المادى ممكن كلمه او نظرة او تصرف ما ياذى جااامد جدا!!!
لا احنا مش هنحسس على الناس بس على الاقل لما اعمل شىء ياذى الى قدامى لو حتى مكنتش اعرف وعرفت ان الى عملته ده اذاه يبقى من حقه عليا انى اعتذر على الاقل ,,,,,, قد ايه كلمه الاعتذار دى هتمحى دموع و الآآم ممكن يكون عشها صاحب الحق ده ..
التدوينه الى كتبتها ...
عنوان مقتبس من برنامج راائع على قناة الجزيرة ... انه حق لكل من اذيته او وجهت اليه نظرة ضايقته او جرحته يوما ما حتى وان كنت لا اعلم !!
حق الاعتــذار
مازال حق لابد رده ,,,, فمن حق كل من اذيته ان اعتذر له ,,, ومن حقى ان يعتذر لى كل من اذانى ,,,اذا سامحنى فهذا لكرم اخلاقه ولكن ,,,,هل مازال جرحى يؤثر عليه ؟؟ هل ما زلت امثل الما بالنسبه اليه؟؟ ربما سامحنى ولكن هل جرحه التئم ؟؟
لا اذكر انى جرحت احدا مثل هذا الجرح الغائر ولكن,,,,, ما ادرانى انه ليس غائرا عند من جرحته ؟؟؟
وان لم تتاح لى فرصه الاعتذار ؟ مازال هو حق ....ربما سامحتنى لكن هل نسيت انى جرحتك يوما ؟؟
يؤلمنى انك رايت جرحك لى فى دموع ابت ان تفصح عن نفسها ,,, وابيت ان اجعلها امامك ....
فهل يا ترى تتذكر يوم جرحى وتبكى ؟كما ابكيتنى يومها ؟ ؟ هل يا ترى تذكر يوم جرحى اليك وتتالم كانه يعاد من جديد ؟؟؟
حقك ان تسمعها حتى وان كنت سامحتنى .... وحقــى ان اسمعها حتى وان كنت سامحتك .....هو حق
حق يأبى النســـيان

هناك 7 تعليقات:

خبيب يقول...

((سهل جدا انى اعتذر لكن صعب جدا انى اقف امام الديان ولفلانه حق عندى))

---

جزاكم الله خيرا

nonoymm يقول...

السلام عليكم
ممكن جدا برضه اعتذر من غير ما اقولك انا اسفة بطريقة اصحح وضشع غلط عملته وساعتها اقولك سامحتيني
دة ابلغ في رايي
تحياتي لرقيك واتمنى حد ينفذ
تحياتي وودي

Ghada & Rofayda يقول...

:( اولا

اعتذر لكل اللي هيقرا كلامي عن اي اذي سببته لهم :((

ثانيا

تدوينه رائعه عن موضوع فعلا حساس قوي .. الواحد في وسط تزاحم الدنيا و تكالبها عليه بيحتاج جدا من اللي غلط فيه انه يقوله ... انا اسف.... و خلص الموضوع .. :(( ياه ...اد ايه جميل ان اللي يغلط فيك يعتذرلك في ساعتها و.... اد ايه الاجمل منه انك لما تغلط في حد تعتذرله و الاحساس التاني والله اجمل .... جربوه كده و انتم تعرفوا :)

--------------------

الي الامام يا راحلـــــــــــه

xezo يقول...

فعلا تدوينة رائعة

الاعتذار فضيلة تزيد من قدر فاعلها
ولكن الفضيلة الاعلى منها درجة هي العفو
ولتماس العذر لاخي وان ابت نفسه الاعتراف بالخطأ
" وإن تعفو أقرب للتقوى"

راحــله يقول...

خبيب ..
جزانا واياكم حضرتك اخترت الجمله لب الموضوع :)

nonoymm
فعلا ممكن اعمل حاجه وبعدها اقول سامحتينى بس اقول بس:) لكن فى شخصيات مش هتتقبل اى حاجه قبل كلمه الاعتذار كمان برايى ان الاعتذار لا ينتزع ده شعور من طرف اذنب فى حق انسان واذاه ولو بكلمه :)
تحياتى ليكى وبسعد جدااااا بزيارتك :))


غاده & رفيده
الواحد في وسط تزاحم الدنيا و تكالبها عليه بيحتاج جدا من اللي غلط فيه انه يقوله ... انا اسف.... و خلص الموضوع ...
بصى اخر كلمه (( وخلص الموضوع ))
فعلا كلمه بسيطه بتنهى كل شىء سبحان الله
تحياتى :)

xezo
طبعا فى درجات ارقى وهى العفو ,, ولكن ,,, عند المقدرة :)

جزاك الله خيرا

Hosam Yahia حسام يحى يقول...

جزاكم الله خيرا على التذكره


يارب كل اللى غلطنا فى حقهم يسامحونا

نور يقول...

يااااااااه

رائع جداً

وحشتيني ياصاحبة القلب الرقيق

أحبك في الله