الخميس، 15 مايو 2008

استمتع بحياتك ..

كنت بفكر ازاى الانسان يقدر يستمتع بحياته ويتخلص من الضغوط الخارجيه والداخليه واكتشفت حاجه او خلينا نقول انى اقتنعت بان الضغوط ما هى الا خارجيه ,,, بمعنى لو انا فعلا قبلت ان الشىء ده يأثر فيا هيأثر فيا ,, الامر بايدى ..

يعنى فى الغالب انت المتحكم فى نفسك ,,,,

لكن الى بفكر فيه فعلا ازاى اكون وسط يعنى ازاى اقدر استمتع بحياتى فى ظل غطاء ايمانى قوى ومتين ودون ان احيد ؟؟

لان كلنا بشر والخطأ وارد والايمان بيزيد وينقص اللهم ثبتنا واياكم ....

الموضوع ده شغل تفكيرى كتير وبدات اجرب فى نفسى,,, اطبقه فى حاجات معينه ولاقيت انه من اصعب الحاجات دى هى المشاعر ازاى ممكن تتحكم فى مشاعرك وتخرج من مــود الحزن والكآبه الى مــود السعاده جربت الموضوع ده وبجد والله نجح قدرت اخرج نفسى وبسرعه جدا من المود الكئيب للمود الجميل ازاى بقى ؟؟

قرات فى الكتاب الرائع لا تحزن لدكتور عائض القرنى نصيحه هامه جدا عشت بيها ومريت بيها من مواقف وصعوبات كتير ونجحت الحمد لله .. هى ,,,,,,, يومــك يومــك :)

د/عائض بينصح فيها بان الانسان يشغل باله بيومه بالساعه الى هو فيها هيعمل فيها ايه؟ ,, بلاش نرهق نفسنا فى الانشغال بالمستقبل وهيبقى عامل ازاى؟؟ نحلم ماشى نبقى طموحين اوك لكن بلاش النظارات السوده الى بنبص بيها على بكرة :)

طب هى ايه المشكله ؟؟
مهما كانت فهى هتتحل وهتروح وهتخلص وهتنتهى فى يوم مفيش مشكله ابديه ان شاء الله ,,,طب تيجوا نرجع لورا شويه اكيد كل واحد فينا كان بيواجهه فى وقت معين مشكله معينه وكانت وقتها مشكله المشاكل وفى الاخر اتحلت وخلصت وخلاص ,,,يا ترى نقدر نقنع نفسنا ان اى مشكله ليها حل ؟لانها بالتاكيد فى يوم هتتحل وحتى لو كانت مشكله مزمنه مرضيه مثلا بعد فترة مبتبقاش مشكله لاننا بنتعايش معها ,,,

صحيح الاكتئاب احيانا بيبقى مفيد ,,الواحد بيشتاق وقتها للضحك ويعرف قيمته :)

بس مش عالطول مش دايما والا يبقى انا الخسران الوحيد

طب لو بتمنى حاجه وخايفه تضيع منى ؟؟ اعمل الى عليا الاول
وبعدها مليش غير اسم الله الوكيل اوكل ربنا فيها هو وكيلى وعسى ان تكرهوا شيئا وهو خير لكم ..
الاجمل فى ده كله ايه ؟؟
ان يكون جنبك قلب راائع جميل بيحتويك ويطبطب عليك ... وبالتاكيد كل واحد فينا عنده القلب ده ,,,
واخيرا مفيش احن واطيب من ربنا علينا ياااااه مواقف كتير حفظنا فيها ونجانا منها بس احنا بننسى
,,,

طيب يبقى ازاى مستمتعش بحياتى ؟؟

هناك 8 تعليقات:

شيماء زايد يقول...

كثيرا ما تفني أعامرنا في الندم علي الماضي والخوف من المستقبل
صدقت كلماتك اختاه
فلنستمتع جميعا
ويكفيني الاستمتاع بكلماتك

خبيب يقول...

صدقتِ

وصدق ..

---

سبحان الله ..

هذه النصيحة الرائعة انتشلتني منذ فترة بعيدة يوم قرأتها في الكتاب الرائع "جدد حياتك" للغزالي ..

كانت تحت عنوان : "عش على قدر يومك"

لكن المضمون ذاته ..

---

نصيحتك تمد يد الغوث لكثير من الناس

لكن قدرا - بسيطا - من بعد النظر ، مطلوب دوما ..

دمتِ بكل خير

nonoymm يقول...

جميييييييييييييييييييل جدااا
بصي بقى ياريت كل فترة تتحفيني بتدوينة فيها عن كتاب لا تحزن طريقتك جميييلة وبسيطة
الله يكرمك
يومك يومك صح المفروض الواحد ضامن يعيش لبكرة
ربنا يديكي ويكرمك ما يحرمك
تحياتي

نور يقول...

جزاكي الله خيرا أختي الحبيبة

تدوينة جميلة جدا

فعلا أمر الإستمتاع بالحياة أمر مهم جدااا

خصوصا ان الواحد ممكن يلاقي نفسه قعد فترة طويييييلة جداااا في شعور سلبي

بوركت وبورك الشيخ عائض القرني

Ghada & Rofayda يقول...

لا تحزن.....
لان القضاء مفروغ منه ، والمقدور واقع والاقلام جفت ، والصحف طويت ، فحزنك لا يقدم في الواقع شيئاً ولا يؤخر
لا تحزن.....
ولكن إذا بارت بك الحيل ، وضاقت عليك السُّبل ، وأنتهت الآمال ، وتقطعت بك الحبال، فناد وقل :

ياالله
.
.
.
موضوع رااااائع
والله انا لسه كنت بفكر فيه
جزيت خيرا كثيرا

راحــله يقول...

شيمــاء زايد ..
بارك الله فيكى وتسعدنى زيارتك جدااا :)


خبيب..
لكن قدرا - بسيطا - من بعد النظر ، مطلوب دوما ..

فعلا وزى ما حضرتك قلت قدرا بسيطا وممكن نلبسله نظارة لبنى مثلا يبقى تمام :)


nonoymm ...
الله يعزك رايك يهمنى جدا وبتسعدنى زيارتكم لمدونتى المتواضعه :)

نور ...
خصوصا ان الواحد ممكن يلاقي نفسه قعد فترة طويييييلة جداااا في شعور سلبي

فعلا وبعد الفترة الطويله دى بيكتشف انه خسر ما كسب ...
ربنا يبارك فيكى


غاده & رفيده
توارد خواطر :)) من زمان بقول من ساعه ما شفتكم وفى حاجه غلط
بحبكم فى الله :)

اوعى تفكر يقول...

ربنا يكرمك
قد ايه الكتاب ده جميل اوى
واد ايه انتى اخترتى المقطع اللى انا
عايزه فى الوقت المناسب
عشان كل ما افكر فى النتيجه
والعلقه اللى هخدها بعد الامتحان اكتئب واحزن ادعيلى معاكى ان شاء الله
ربنا يكرمك على البوست الهايل ده

راحــله يقول...

اوعى تفكر...
فعلا الكتاب راائع ونصائحه متميزة
شرفتنى زيارتك :)