الأربعاء، 23 أبريل 2008

الســـوط ...

الجلاد يضرب بالسوط والسجين باقى ويستمر الجلاد فى ضربه والسجين باقى,,,
بــاقى بـقاء الميت لا يصرخ ولا يتحرك الا بٌـعدا عن السياط,,,,
فلم يفكر السجين ان يمسك بيد الجلاد أن يوقفه !!!
و لم يفكر ان ياخذ منه السوط ويحرر نفسه !!!
لم يبقى فى الارض غيره هو والجلاد لكنه اعمى نفسه ورسم جــدار لزنزانه وهميه وبقى الجلاد يضرب والسجين باقى فقد اوهم نفسه بانه لا فرار!!!
اذا لم يخرج السجين من هذا الصمت القاتل اذا لم يجمع اعضاءه بداخلنا و تكن يد واحده فى وجهه الجلاد سيبقى السوط بيده الى ابد الدهر وسنبقى نوهم انفسنا بالجدار وكلما تحرك جزء منا يمسك بالسوط ليوقف الجلاد تعيقه باقى الاعضاء الواهمه,,,,
6 ابريل قررجزء من السجين ان يتحرك ليس بعـدا انمــا محاولا ان يمسك بالسوط ليثير خوفا ربما فى نفس الجلاد شارك بعض الاعضاء.....
لكننا نحتاج الباقــى كى يتحرك الجسد ؟؟؟
ظل الباقى بـــاقى بقاء الميت لا يصرخ ولا يتحرك !!
فلم يضيع الامل لكن اعتراض الجسد لم يكن اعتراض لكل اعضاءه!!
وهكــذا

هناك 15 تعليقًا:

khobayb يقول...

وماذا يفيد الجسد إذا قرر التحرك ؟ بينما رجلاه مشلولتان ؟

ليست المشكلة في اتخاذ القرار

إنما المشكلة : من لديه من الفهم والإيمان ما يمكنه من تحمل تبعات القرار ؟

هل عند السجين استعداد لتحمل العذاب المضاعف حينما يُغضب سجانه ؟

هل عنده استعداد لتحمل موت بعض أعضائه في سبيل البعض الآخر ؟

أم أن كل عضو لا يهتم لغير نفسه ؟ ويحب أن يُقدم غيره من الأعضاء ؟

نسأل الله أن تبصر الأعضاء الحقيقة والصواب .. وأن تستمع لصوت العقل ، لا صوت المعدة

ونسأل الله .. أن يتحرك السجين

وأن يُسقط جلاده

أم حبيبه يقول...

تشبيه رااااااااائع

عاشــــــ النقاب ـقــــة"نونو" يقول...

تشبيهك في منتهى الروعة فلا
لكن السجين عندما تحرك كانت حركته حركة غوغائية
لم يخطط كيف ينفض عن نفسه سياط الجلاد
فكأنما زاد الطين بلة
تحياتي لكلماتك المبهرة

Ahmed El-Agouz يقول...

عارفة اهم حاجة حاستها في يوم 4 ابريل اننا لسه فينا روح ومعلش شوية شوية كل الاعضاء هتتحرك مادام لسه في نفس يبقي في امل
جزاكم الله خيرا علي هذا البوست
العجوز

راحــله يقول...

خبيب ..
الامل باقى ببقاءنا نعمل وامبارح 6ابريل بكرة 4 مايو وبعده الله اعلم هو ده الامل ...


ام حبيبه ..
اسعدتنى زيارة جدا جزاكى الله خيرا

nonoymm ..
لما يكون الظلم واااضح قوووى كده ومحسوس قوووى كده وواصل للكبير والصغير يبقى كفايه قوووى..بوركتى اختى

احمد العجوز ..
فعلا احنا عايشين نعمل على ان نحرك باقى الاعضاء وفى امل ان شاء الله
شرفتنى زيارتك جزاك الله خيرا

Hosam Yahia حسام يحيى يقول...

شكرا لحضرتك يافندم

على اضافتك لمدونتى فى المفضله

انا ان شاء الله هاضيف مدونه حضرتك


ومدونتك اروع بجد

تحياتى

راحــله يقول...

حسام يحى ..
مدونتك تستحق القراءه ربنا يبارك فيك تشرفت بيك :)

بذرة امل يقول...

تشبيه حلوة اوى
فعلا احنا اوقات كتير اوى بنعمل لنفسنا زنزانة وهمية
وبنعيش فيها

اوعى تفكر يقول...

جامده اوى الكلمتين دول
واضح ان الكلمات صادقه

Ghada , Rofayda يقول...

السلام عليكم ورحمة الله وبركاته
تفضلى ياانى راحلة باثراء مدونتنا الجديدة بارائكم وافكاركم

Unknown يقول...

السلام عليكم
تدوينة حضرتك ممتازه فعلا وتشبيهاتك رائعه
ولكن اظن ان من بهذه الحاله لايحتاج الي حركات بطيئه بل لابد ان ينتفض جسمه وانتفاضه تلو الاخري حتما سيستطيع الهرب
وجزاكم الله خير

Unknown يقول...

تشبيه رائع جدا

المهم ... الحركة الجماعية

التغيير يتطلب أمة كاملة ليس فردا او مجموعة افراد

جزاكي الله كل خير

وحشتيني جدا

راحــله يقول...

بذرة امــل ...
فعلا كتير بنوهم نفسنا بزنزانه مش حقيقيه مش بس فى احداث بدور حولينا بنرسهما فى مواقف ابسط من كده بكتير ..
نورتى :)

اوعى تفكر ...
اه والله صادقه ده الى فعلا حسيته من شعبنا الى احنا منه يا رب الباقى يتحرك ...
شرفتنى

غاده ورفيده ..
مدونتكم بجد رووووعه وفعلا احبكم فى الله :))

الفاتح الجعفرى ..
عندك حق انتفاضه تلو الاخرى واكيد هيمسك السوط ويجلد الجلاد وناخد حقنا بقى :) الله المستعان
شرفتنى

نــــور ...
فعلا التغير يشترط الجماعه فى اعتقادى ان المحاولات الى بتحصل دلوقتى من 6ابريل وبعدها ان شاء الله 4 مايو محاولات ممتازة ولو حتى مجبتش نتيجه لان نتيجتها الاساسيه تحريك المياه الراكده ودى فرصه دلوقتى الشعب كله ثاير خلاص مبقاش فى حد راضى وهى موته ولا اتنين ...

انتى كمان وحشااانى جدا :)

كان نفسى يقول...

واذا كان الجسد مقيدا من ذراعيه وقدمية
فكيف يمنع ضرب الجلاد عنه؟
يحاول قدر استطاعه فك هذا القيد
!!!

كان نفسى يقول...

و اذا كان الجسد مقيدا من ذراعيه وقدميه
فكيف يمنع ضرب الجلاد عنه؟
فليحاول فك قيده قدر استطاعه
!!!