السبت، 15 مارس 2008

اخــر شخبوطه

4 طووول محنا عايشين بنتعلم ومهما افتكرنا اننا وصلنا برضو لسه موصلناش ... دى مش حكمه دى حقيقه وفى كل شىء فى كل امور الحياة طووول الوقت بتعلم ولسه فى ابتدائيه :)
فهمت نفسى اكتر فعلا واتعلمت حاجات جديده واكتشفت قد اييييييييييه اضحك عليا - هبله بقى -فاكرة الدنيا ابيض واسود واسقطت الرمادى من حساباتى وتعبت كتييييييير عقبال ملاقيت له مكان احطه فيه ؟؟ الرمادى طبعا :))
تقبلت الحقيقه بصدر رحب وقررت انى اسامح بلا حدود بصرف النظر اذا كان الشخص الى قدامى يستاهل او لا !! انا هسامح لنفسى قررت ان احافظ على هذا القلب نقى ....
اه احنا بشر واكيد هضعف فى كتير من الاوقات واتخنق بس ده اصبح هدفى ومتاكده انى بالتدريج هوصله وفعلا بدات والحمد لله انا الان راضيه عن نفسى اقدر اقول بقى انى رجعت لاول شخبوطه اول جزء خالص عدت الى انــــا الى افتقدتها كتير جدااااااا هى دى الى كنت بدور عليها بتعمل كل حاجه بحــب واذا اذانى اى شخص اسقطه تماما من حساباتى بل على العكس اعلم قلبى ازاى يتعامل بكل حب مع نفس الشخص مش نفاق ولكن فعلا تسامح ......
كل ما افكر قد ايه بنخطأ فى حق ربنا وهو شايفنا و قمه التسامح لما تغلط وتغلط وتغلط وبرضو باب التوبه مفتوح يبقى يا انا الضعيفه مش قادرة تسامحى !!!!!
عايزة اقول اننا مهما اتعلمنا لسه بنتعلم عن نفسنا الاول ثم عن العالم الى بيحتوينا لو كل واحد فهم نفسه صح وعرف يوظف طاقته صح وتمسك بالشىء الحلو الى جواه الى هو متاكد انه بيحبه هنقدر نتغير ونغير لو قدرنا نسامح بشكل مختلف يعنى منقفش كتير قدام تصرفات الاخرين ونقول ليه ؟؟
هنفهم كل شىء بهدوء وهنقدر نفرق بين القلب الصافى الى بيحبنا بجد وبين الى نص نص والى مبيحبناش ......
اخرتها ايه؟؟؟ اخرتها والى وصلنى لكده يمكن يكون هدف من اهدافى هو انى قدوة شئت ام ابيت انا بنتمى للاسلام انا مسلمه اذن فانا قدوة لغيرى مسلم وغيرمسلم ليــه؟؟
لان كل مسلم قدوة ومرجعيتنا ----> يا ترى ربنا يقبل الى بعمله ولا لأ؟؟
احيانا بزهق من القدوة لكن لو كانت طبيعتى هى التخلق بخلق اسلامى لو عودت نفسى على كده لو قدره افهم نفسى انه ده دورى مش هتقمص شخصيه مش بتاعتى يبقى مش هزهق...
اهم حاجه انى مكنش فتنه يعنى من برة زى اسلامى وشكل مسلم وكلام وخطب ومن جوه قلب مخوخ وفاضى وتعاملات مش بشريه ابدا
بيأذينى جدا الى شكلهم متدين وجواهم منيل يااااااااااااه قد ايه بضايق:(
المرة دى شخابيط بجد كتبت كل الى جه على بالى مش عارفه وصلت الفكرة ولا لأ ؟؟
اتمنى ...
اخرتها

هناك 6 تعليقات:

Unknown يقول...

بجد جميل جدا
بقالي كتير عايزة اعلق ومش عارفة حظك معايا ليه عامل كده ؟

كل الشخابيط جميلو بجد

ربنا يثبتك ويحفظك ياااارب

فاكرة .. انا وانتي اتكلمنا عن التسامح قبل كده .. بس كلامك رائع

احبك في الله

أمير القلوب يقول...

أختي الفاضلة
الحقيقة دي أول زيارة للمدونة وإن شاء الله نتواصل دائماً
بارك الله فيكي على إثارة هذا الموضوع المهم جداً جداً وبجد أكتر حته عجبتني
يعنى من برة زى اسلامى وشكل مسلم وكلام وخطب ومن جوه قلب مخوخ وفاضى وتعاملات مش بشريه ابدا
بيأذينى جدا الى شكلهم متدين وجواهم منيل يااااااااااااه قد ايه بضايق:(
ربنا يوفقك ويعينك
تحياتي لكي

راحــله يقول...

نـــور ..
نورتى المدونه جزاكى الله كل خير :)

امــير القلوب ..
اسعدتنى زيارة حضرتك جدا ..ربنا يبارك فيك

خديجة عبدالله يقول...

شخبوطة ولا كل الشخابيط

بجد هايلة ربنا يعزك

جميل جدا أن يتعلم المرء خلق التسامح فالكثيرون أصبحوا للأسف يفتقدونه

هدانا الله جميعا

وجميل جدا تصورك للقدوة أنا مسلمة إذا أنا قدوة وواجب على أعبر صح عن دينى وليس فقط من منطلق الواجب بل من منطلق إنى أحب هذا وأعتز به
بجد كلامك روعة وكله معانى نبيلة جدا
لعلنا نفقه
جزاكى الله كل خير يا حبيبتى وربنا يباركلك وينفع بيكى ويتقبل منك

غير معرف يقول...

السلام عليكم
جزاكى الله خيرا اختى الفاضلة على حسن الطرح ونفع الله بك
تقبلى تحياتى
آفاق الإسلام

راحــله يقول...

خديجه ..
انا نفسى يكون ده مبدأ راسخ جوانا انا مسلم فانا قدوة لنفسى ولغيرى اقود نفسى للجنه واقود اخوانى والى حوليا وهما كمان يبقوا قدوتى فى ده تخيلى هنكون ازاى لو فعلا قدرنا نرسخ المبدأ ده جوانا :)
بتسعدنى زيارتك جدااا ,,,احبك فى الله :)


عمـر المصرى
جزانا واياكم وتسعدنى متابعتكم لمدونتى ..